آه يا دمغي آه يا عينيا .. جالي الضغط مـ ـالكلية
ضحكو عليا زمان و قالولي .. راح ترتاح بعد الثانوية
كنت في كابوس اسمه دروس .. قلت خلاص مش راجع ليا
انا مش محتاج اي دروس .. عايز بس عزيمة قوية
بدأت اذاكر قلت هدوس .. بس بدأت بالوصفية
جالي سؤال حسيته غريب .. قلت اركز برضو شوية
ارسم مسقط عرف الديك .. لو معلوم ريشة افقية
قلت بناقص حل الشيت .. راحت يعني درجة عليا
بعد يومين قال ايه فرحان .. قالو هناخد حاجة عملية
معمل فيزيا آه يا سلام .. اكيد هشتغل حاجة بإديا
جالي سؤال شكله غريب .. قالو ده كان جايلكو هدية
اكتب قانون السيرفستينشن .. لو تيجينينشال عالملوخية
يانا يا حوستي و الفيسكوستي .. انا هتجنن بعد شوية
سبت المعمل و انا قرفان .. رحت محاضرة و حالتي غبية
و انا قاعد غلبني النوم .. قلت اريح جسمي شوية
بس سمعت زعيقة جامدة .. كانت جامدة قوية
قمت من النوم و انا مفزوع .. اصل الزعيقة طلعت ليا
قالي الدكتور نايم نينا .. نام يا حبيبي صعبت عليا
هات كارنيهاك بس اشوفه .. يبقى انا ساقط مية المية
آسف يا دكتور آخر مرة .. قالي استنى برة شوية
يادي النيلة هأعمل ايه .. انا مش ناقص اي ازية
ماما حبيبتي هاقولها ايه .. حطت املها كله عليا
بعد شوية لقيته ندهلي .. بس بصوت مليان حنية
قالي يا ابني لازم تفهم .. انت دخلت خلاص كلية
يعني دراسة يعني انضباط .. يعني حياة كلها جدية
عدى الموقف ده يسلام .. و انا روحي لسة في رجليا
فات اسبوع و اتنين و تلاتة .. كانت كل حاجة شبه عادية
جه الميدتيرم .. قلت و ماله انا مذاكر مية المية
رحت اللجنة و انا فرحان .. كأنهم هناك بيوزعو هدية
مسكت الورقة و انا مصدوم .. اصلها مكتوبة بلغة هندية
فاتت ساعة و اتنين .. و الورقة بيضة زي ما هي
قالي المعيد خلص يا ابني .. قلتله حاضر بس استنى شوية
و نتش الورقة .. و هي برضو لسه بيضة زي ما هي
انا عارف نفسي .. انا فاشل انا خيبة قوية
حتى الشعر ده زي الزفت .. مينفعش حتى في اغنية
ابعدو عني و سيبوني في حالي .. يمكن اشفكو السنة الجاية
معلش طولت عليكم
ضحكو عليا زمان و قالولي .. راح ترتاح بعد الثانوية
كنت في كابوس اسمه دروس .. قلت خلاص مش راجع ليا
انا مش محتاج اي دروس .. عايز بس عزيمة قوية
بدأت اذاكر قلت هدوس .. بس بدأت بالوصفية
جالي سؤال حسيته غريب .. قلت اركز برضو شوية
ارسم مسقط عرف الديك .. لو معلوم ريشة افقية
قلت بناقص حل الشيت .. راحت يعني درجة عليا
بعد يومين قال ايه فرحان .. قالو هناخد حاجة عملية
معمل فيزيا آه يا سلام .. اكيد هشتغل حاجة بإديا
جالي سؤال شكله غريب .. قالو ده كان جايلكو هدية
اكتب قانون السيرفستينشن .. لو تيجينينشال عالملوخية
يانا يا حوستي و الفيسكوستي .. انا هتجنن بعد شوية
سبت المعمل و انا قرفان .. رحت محاضرة و حالتي غبية
و انا قاعد غلبني النوم .. قلت اريح جسمي شوية
بس سمعت زعيقة جامدة .. كانت جامدة قوية
قمت من النوم و انا مفزوع .. اصل الزعيقة طلعت ليا
قالي الدكتور نايم نينا .. نام يا حبيبي صعبت عليا
هات كارنيهاك بس اشوفه .. يبقى انا ساقط مية المية
آسف يا دكتور آخر مرة .. قالي استنى برة شوية
يادي النيلة هأعمل ايه .. انا مش ناقص اي ازية
ماما حبيبتي هاقولها ايه .. حطت املها كله عليا
بعد شوية لقيته ندهلي .. بس بصوت مليان حنية
قالي يا ابني لازم تفهم .. انت دخلت خلاص كلية
يعني دراسة يعني انضباط .. يعني حياة كلها جدية
عدى الموقف ده يسلام .. و انا روحي لسة في رجليا
فات اسبوع و اتنين و تلاتة .. كانت كل حاجة شبه عادية
جه الميدتيرم .. قلت و ماله انا مذاكر مية المية
رحت اللجنة و انا فرحان .. كأنهم هناك بيوزعو هدية
مسكت الورقة و انا مصدوم .. اصلها مكتوبة بلغة هندية
فاتت ساعة و اتنين .. و الورقة بيضة زي ما هي
قالي المعيد خلص يا ابني .. قلتله حاضر بس استنى شوية
و نتش الورقة .. و هي برضو لسه بيضة زي ما هي
انا عارف نفسي .. انا فاشل انا خيبة قوية
حتى الشعر ده زي الزفت .. مينفعش حتى في اغنية
ابعدو عني و سيبوني في حالي .. يمكن اشفكو السنة الجاية
معلش طولت عليكم
