- القذافى بيقول هزمت إيطاليا وإنجلترا وفرنسا وبريطانيا .. يعني خلصت مستوي التاني وهزمت الوحش ولا لسه
- القذافى فى الأدغال.. فيلم جديد من إنتاج السبكى وبطولة شوية نسوان والقذافى.
- القذافى: أنا لست رئيساً حتى أستقيل.. أنا قائد ثورة للأبد.. هههههههههه.. يعنى ليبيا كل ده من غير رئيس؟!
- حملة لتقديم الاعتذار للراجـــل اللى
نــزّل الشــاى للقـذافــى.. عيب عليكو يا جماعة الراجل ده أركان فؤاد
الفرقة 75 شارع محمد على فى ليبيا.
- الشعب يريد معرفة: الشاى اللى نزل للقذافى كان فتلة ولا لأ؟
- القذافى مش بتاع أجندات .... بتاع تكاتك!
- القذافى خلص الخطاب وركب التوك توك بتاعه وراح يعمل دورين، ده أكبر مثال مفروض نحتذى بيه بعد الثورة.. نخطب ونركّب بلدنا.
- افتتاح قناة الجزيرة كوميدى لتغطية تصريحات القذافى وابنه.
- اللهم اقذف القذافى بقذيفة مقذوفة تقذفه قذفاً مقذفاً إلى الجحيم.
- القذافى مش بس بكلمته.. القذافى بتوك توكه وملايته وشمسيته.
- بعد ظهوره بالتوك توك، مبارك وبن على بعتوا رسالة للقذافى بيقولوا له: جاى ولا الدور الجاى؟
- القذافى.. المهنة: عارض أزياء لأحدث
أنواع قماش الستاير، متخصص ترفيه، كاتب أخضر، ورئيس جمهورية فى أوقات
الفراغ، شخصية محبوبة وذات شعبية كبيرة جداً فى الوطن العربى من المحيط
للخليج، تفوق شعبية زكية زكريا.
- حملة لمناشدة الصبى اللى شغال فى
القهوة اللى القذافى بيقول منها الخطاب، إنه يحط أى سم فى الميه أو الشاى
أو حتى يعمل «بيبى» فى الكوباية عشان نخلص منه
عين الحسود، القذافى يأمر بحملة تبخير بطيارات هليكوبتر تطوف فوق سماء
ليبيا، معاها خمسين طن بخور محوج من خلطة العطار وعين العفريت.
- يا عم قذافى.. هو كل الأحكام إعدام إعدام.. مافيش شتيمة.
- عاجل : قناة الجماهيرية تُعلن أن
خطاب القذافى الذى أذيع لمدة ساعتين كان «التريلر».. على أن يذاع خطاب
القذافى كاملاً فى موسم الصيف بجميع دور العرض.
- بعد تصريحه امبارح انه بيتحدا منظمة الامم المتحدة انه مفيش مظاهرات في ليبيا ولا ضحايا
وكان ناقص يقول ان الشعب الليبي بيوزع ورد علي بعضه
اصبح هناك يقين ان اللي بيحصل في ليبيا كاميرا الخافية والاعلام بيهول
