ضحكت وقالت : متكبرش الموضوع وعديِ
بقلمى المتواضع
أنت خاين غدار
مش بس كده وانانى كمان
بتحب كل الناس تحبك وتحترمك
وإنت معملتش لكل ده إعتبار
ودوست على قلبى ومشاعرى
متــنـكـرش
انا شفتك واقف مع واحده غيرى
وكأن حبنا بقى فى قلبك رمام
شوفتها وهى بتمسك إيديك فى الشارع
متقولش عادى
لأن كان فى لمست إيديها شوق وغرام
أنا حسيته من وانا بعيد
مش لازم اكون فى الصوره
انا كنت ورا الستار
برقبك من بعيد لبعيد
بقيس نبضك بيدق لمين
مش بس كده انا ببقى عامله زى المرصاد
لما تبص شمال ولا يمين
أتريك مع واحده غيرى انا
بتبادل شوقها وعايش معاها أحلى غرام
فأنا دلوقتى بس اكتشفت حققتك
وقد إيه انت قادر تجسد جميع الادوار
يعنى انت بجد قدرت تجسد شخصيه الواد المحتار
الي مش عارفانا ولا هى يختار
فأنا عايزه دلوقتى اعرف تبريرك لموقفك
لتنسانى .. وحبنا يبقى فى الارض رماد .
!
.
بس كده .. قالتلى كده وراحت ماشيه
من غير حتى ماتعرف رد لسؤالها
إذا كنت هاضحى ولا هارفض التضحيه
متقوليش عملت إيه .. ؟
لإنى مش عارف على اى اساس بتقول الكلام ده
وبتلبسنى القضيه
أنا الى افتكره انى كنت واقف مع واحده صحبتى
وبنتكلم عادى فى الأحداث العاميه
إلى بتدور حولينا زى فلسطين و الدول العربيه
وكنت وقتها بناقشها بمنتهى العصبيه
فجرحت إيدى بالمفاتيح إلى كانت بإيديا
وبعدها لقتها بتجبلى مناديل
وبتعالج الجرح يبقى اكيد لازم تمسك إيديه وخاصهً بحنيه
وفى الوقت ده كنت ببصلها وبقلها تعبك معايا
ولقيت حبيبتى الى انا بحبها معديه
قامت مصدومه وبصتلى بصه كلها ضيق وعصبيه
وبعدها مشت بسرعه متخيله انى بخونها مع واحده تانيهفجريت عليها عشان افهمها إنى دى صحبتى
مش زى الي فى دماغك لأن انتى الى حبيبتى
فقامت قيلالى الكلام ده وسبتنى
مش عارف اعمل ايه ..؟
اسيبها تهدى ولا بكلامى اغصبها واقنعها
فسبتها قولت اكيد هاتعد مع نفسها
وتهدى اعصابها لأنها عمرها ماتشك فيه
لقيتها تانى يوم جيالى وبتقولى حقك عليه
شوقى هو إلى رمانى وكمان غيرتى الغبيه
فأنا مش عايزاك تزعل منى
لأن كل ده والله فى لحظه عصبيه
أنا لما حسيت إنك مع واحده غيرى
أنت مش عارف الاحساس ده مر إزاى عليه..؟
وكنت مديلها ضهرى
وعايش فى دور الزعلان الى محتاج ترضيه
بس كان شوقى فاضحنى
وكانت كالعاده .. حاسه بيه
فبصتلها وقلتلها أخر مره تحصل الحركه ديه
فبصتلى بنظره مليانه لهفه وحنيه
وقالتلى عشان خاطرى متكونش شايل من قلبى
عشان اشوف ضحكت عنيك الي انا شيفاها
بس عمله فيها مكسوفه ومداريه
بـس كـده
وقامت بصالى وفى وشها بسمه جنونيه
وقـالـتـلـى
.. متكبرش الموضوع .. وعدىِ ..
